Bəhailər öz icmalarında «Bəhai dininin məqsədi» adlı səhifəmizdə verilən məqsədlərə nail olmaq üçün yönəlmiş müxtəlif fəaliyyət növləri ilə məşğul olur. Belə fəaliyyət növlərindən ən mühümləri  bunlardır.

Təlim dərnəkləri

Dua görüşləri

Uşaq dərsləri

Ocaq başı görüşləri

On doqquz Gün görüşləri

Əlbəttə, bəhailərin fəaliyyəti yalnız bu fəaliyyət növləri ilə məhdudlaşmır. Bundan başqa xüsusiyyət və məzmun etibarilə, həmçinin digər görüşləri də – gənclər günləri, bayramlar və digər müqəddəs Bəhai günlərinə həsr olunmuş tədbirlər və s. sadalamaq olar.

Təlim dərnəkləri – bu Bəhai Yazılarını sistematik şəkildə, hərtərəfli öyrənmək istəyən bir qrup dostların mütəmadi görüşləridir. Bu dərnəklərin məqsədi – Müqəddəs Kəlamın dərin mənasını anlamaq, dərk etmək, onları ruhani trasformasiya və bəşəriyyətə xidmət vasitəsilə bizim həyatımızda tədbiq etmək etməkdən ibarətdir.

Bəhai təlim dərnəkləri kiçik qruplar üçün hazırlanmış xüsusi materiallar əsasında keçirilir. Təlim prosesinə yanaşma xoş təəssüratlı ruhani atmosferin yaranmasına əsaslanır. İlk baxışda materiallar çox sadə görünə bilər, lakin təlim prosesi zamanı anlayırsan ki, bir çox sadə sualları birmənalı cavablandırmaq mümkün deyil və bu zaman düşüncə prosesinə qərq olursan. Ən əsası odur ki, - heç kəs sənin fikrini təkzib edə bilməz, çünki Həqiqətin sərbəst axtarışına təkzib yolu ilə çatmaq mümkün deyil, buna yalnız dərk etmə yolu ilə nail olmaq olar. Bu halda dərslərin ruhani atmosferi pozulmur, əksinə, bu daha dərin dərk etməyə səbəb olur. Qrupda liderlik mövcud deyil, əməkdaşlıq hökm sürür və hər bir əməkdaşın fikri çox qiymətlidir. İştirakçıların heç biri şəxsi fikrinin xüsusiliyinə  iddia etmir.

Öyrənmə üçün ilk materiallar "Ruhun həyatı haqqında düşüncələr" («Müqəddəs Yazıların dərk edilməsi», «Dua», «Həyat və ölüm» adlı bölmələrilə), "Xidmətə qalxarkən", "Uşaqların ruhani tərbiyəsi" (uşaq dərsləri üzrə gələcək müəllimlər və valideynlər üçün), "Qoşa Zühur" və s.

Təcrübə göstərir ki, təlim dərnəklərində həm bəhailər, həm də Dinin dostları iştirak edə bilərlər. Məntiqi əqlə malik olan istənilən ruh həqiqəti duya bilir, baxmayaraq ki, Həqiqətə müxtəlif yollarla çatmaq olar. Xüsusilə də çox sevindiricidir ki, dərnəyin iştirakçıları ruhən bir-birinə çox yaxın olur, onlar sevinc hissi və yaradılış enerjisi ilə dolurlar və bunu da insanların xeyir və mənfəətinə yönəltmək istəyirlər. Həzrət Bəhaullah möminlərə məsləhət görürdü: «Bir əlin barmaqları, bir bədənin üzvləri kimi olun. Sizə Zühurun Qələmi belə tövsiyyə edir, əgər siz möminlərdənsizsə…»

Bəhai icmalarında müxtəlif mövzular üzrə təlim dərnəkləri keçirilir. Arzu edən hər bir kəs Müqəddəs Yazıları öz düşüncələrində hiss edə bilər, söhbətin sevinci və ruhani yaxınlıqdan həzz ala bilər və Birliyin gözəlliyini duya bilərlər.

Hal-hazırda təlim dərnəkləri Azərbaycanın Bakı və Sumqayıt şəhərlərində fəaliyyət göstərir.

Təlim dərnəklərinin keçirilmə vaxtı və yeri barədə məlumat almaq və dərnəklərə yazılmaq istəyənlər bizim e-mail ünvanımıza: weboffice@bahai.az yaşayış yerini qeyd etməklə (ölkə, bölgə, şəhər, rayon) yaza bilərlər. Bakı sakinləri 497-30-41; 497-56-26, Sumqayıt sakinləri 5-36-53 saylı telefona zəng edə bilərlər.

Dua görüşləri – bu mütəmadi, müəyyən cədvələ uyğun olaraq kollektiv şəkildə dualardır. Bu görüşlərdə dostlar Allahı tərif edir, bir-birilə öz sevinc, sevgi və dostluq münasibətlərini bölüşürlər. Dua görüşlərində Həzrət Bəhaullahın, islam, xristian, iudaizm, induizm, zoraastrizm və buddizmin Müqəddəs Yazılarından parçalar oxunur. Ruhani yaxınlıq və birlik məqsədilə yer üzündə bütün bəhailər dua görüşləri keçirirlər ki, bu görüşlərə arzu edən hər bir kəs dəvət oluna bilər.

Dua görüşlərinin keçirilmə vaxtı və yeri barədə məlumat almaq istəyənlər bizim e-mail ünvanımıza: weboffice@bahai.az  yaşayış yerini qeyd etməklə (ölkə, bölgə, şəhər, rayon) yaza bilərlər. Bakı sakinləri 497-30-41; 497-56-26, Sumqayıt sakinləri 5-36-53 saylı telefona zəng edə bilərlər.

Uşaq dərsləri. Uşaqlar – cəmiyyətin ən qiymətli resurslarıdır. Uşaqlar cavan ağaclar kimi onlara verilən təhsilin və göstərilən təsirin istiqamətində böyüyür və inkişaf edir. Bəhai uşaq dərslərinin məqsədi ruhani cəhətdən sağlam, insanları ayıran təəssübkeşliyi olmayan, Allahın mərhəməti altında olmaları kimi müsbət və güclü bir inama malik olan, həyatlarının bəşəriyyətə xidmət olmasını anlayan  gənclər yetişdirməkdir. Həzrət Bəhaullahın təlimi bu dərslərin əsasını formalaşdırır və Yer üzündə tam birlik, ədalət və sülhün qurulması üçün bir rəhbərlik kimi Həzrət Bəhaullahın və Allahın digər Elçilərinin təlimini təqdim edir.

Həzrət Bəhaullah buyurmuşdur: "İnsan misilsiz əlvan daşlarla dolu bir mədənə bənzəyir. Bu cavahiratlar yalnız təhsil sayəsində əldə oluna bilər və bəşəriyyətin mənfəətinə kömək edə bilər". Bəhai icmasında uşaq dərslərinin keçirilmə təcrübəsi göstərir ki, uşaqlarda elə qeyri-adi qabiliyyətlər üzə çıxır ki, hətta onların valideynləri bu haqda xəbərsizdirlər. Uşaqlar öz təbiətinə görə məhəbbət və yaxşılığa daha pak və həssasdırlar, bir çox şeyləri onlara hətta başa salmaq belə lazım deyil – onlar bunu sadəcə olaraq hiss edirlər. Uşaq dərslərində uşaqlar rəsm çəkir, mahnı oxuyur, musiqi dinləyir, yapır, səhnəciklər qurur, rəqs edir və bir çox hallarda uşaqlar özləri yeni-yeni yaradıcı təkliflər irəli sürürlər. Həzrət Əbdül-Bəhanın qeyd etdiyi kimi, musiqi uşaqlara qeyri-adi təsir bağışlayır. "Musiqi… uşaqların qəlbini fəth edir və ona möcüzəvi təsir bağışlayır, çünki onların qəlbləri pakdır və gözəl olan hər bir şeyi qəbul edir. Musiqi onların gizli istedadlarının üzə çıxmasına səbəb olur.”

Bəhailər cəmiyyətin qanunvericiliyini və insan hüququnu vicdanın ixtiyarına buraxır, ona görə də uşaq dərsləri o uşaqlarla keçirilir ki, onların valideynləri uşaqların ümumi dini-mənəvi tərbiyəsinə icazə verirlər. Bəhailər müəyyən bir dinin üstünlüyü olmadan, bütün dünya dinlərini qəbul edirlər, ona görə də ruhani tərbiyə demokratik əsaslar üzərində qurulur. Hətta bəhai valideynlər 15 yaşına qədər öz uşaqlarının dini mənsubiyyətini təyin etmirlər. 15 yaşı tamam olmuş gənc qız və ya oğlan hər insana öncədən verilmiş sərbəst seçim hüququnu rəhbər tutaraq bu və ya digər dini özləri seçirlər.

Əgər valideynlər uşaqlarının dini təhsil almasını istəmirlərsə, bəhailər xüsusi qruplar hazırlayır ki, bu qruplarda uşaqlar müəyyən kitablar əsasında ruhani-əxlaqi dərslər keçirlər.

Uşaq dərslərinin keçirilmə yeri və vaxtı barədəı məlumat almaq və onlara yazılmaq istəyənlər bizim email ünvanımıza: weboffice@bahai.az yaşayış yerini qeyd etməklə (ölkə, bölgə, şəhər, rayon) yaza bilərlər. Bakı sakinləri 497-30-41; 497-56-26, Sumqayıt sakinləri 5-36-53 saylı telefona zəng edə bilərlər.

Fayersaydlar (ocaq başı görüşlər) – bu bir bəhai ənənəsidir ki, bütün dünya bəhailəri bu ənənəni öz icmasında həyata keçirlər. Bəhailərdən istənilən bir kəs, üzərinə bu öhdəliyi götürərək, istər bəhai, istərsə də qeyri-bəhailəri dəvət edib, Din barəsində söhbət etmək, dinlə maraqlanan dostlarların suallarını cavablandırmaq, çətin məsələləri müzakirə etmək, dostluq münasibətlərini inkişaf etdirmək üçün mütəmadi olaraq bu görüşləri təşkil edir. Bəhai Dinində ayrı-ayrı şəxslər tərəfindən Müqəddəs Yazıların nüfuzlu şərhinə icazə verilmədiyinə görə, bu görüşlərdə azad bir abı-hava hökm sürür və heç kəs şəxsi fikrinin daha üstün və ya son fikir olmasına səy göstərmir. Lakin ən əsası odur ki, bu görüşlərdə qarşılıqlı mehribançılıq və dostluq abı-havası hökm sürür, mübahisələrə yol verilmir, "həqiqət mübahisədən doğur" fikrinin söylənilməsinə baxmayaraq, daha mühüm və aydın olan odur ki, mübahisə zamanı mehriban münasibət itir. Fayersaylarda, digər müzakirələrdə olduğu kimi, məqsəd – hər bir iştirakçının özünün haqlı olmasını sübut etmək deyil, həqiqətin birgə axtarışıdır. Müzakirənin (mübahisənin yox) başqa bir məqsədi qarşılıqlı anlaşma, razılıq və fikir birliyinə nail olmaqdır. Fayersaydın hər bir iştirakçısı özünün ilkin mövqeyi ilə nə dərəcədə uyğun olmasından asılı olmayaraq həqiqəti qəbul etməyə hazırdır. Söylənilən fikirlərdən asılı olmayaraq, fayersayd hər zaman yalnız qarşılıqlı məhəbbət, hörmət və xeyirxahlıq abı-havasında keçir.

On doqquz Gün Görüşləri və ya On doqquz Gün Ziyafətləri – bu bəhai möminlərin hər 19 gündən bir, adətən hər bəhai ayının birinci günü qeyd etdikləri bayramlardır. İcma bu bayramlarda Dua və Müqəddəs Yazıları oxumaqla, Allahı birgə tərif etməklə, icmanın həyatı haqqında fikirlərlə bölüşmək üçün toplanır. Bayram qeyri-rəsmi, dostcasına söhbət, ziyafət süfrəsi və yaradıcılıq nömrələrilə sona yetir.

19 Gün Görüşlərinin əsası Həzrət Bab tərəfindən qoyulub və Həzrət Bəhaullah tərəfindən təsdiq olunmuşdur. Bu bayramın əsas məqsədi bütün bəhailərin görüşməsi və icmanın işlərinin müzakirə etməsidir.

Bayramın gedişi üç hissəyə bölünür. Birinci hissə ruhani hissədir, buraya dualar və meditasiya aid edilir. Bu zaman dostlar Bəhai dininin Müqəddəs Yazıları, həmçinin başqa dinin Müqəddəs Yazılarından parçalar oxuyurlar.

İkinci hissə inzibati məsələlərə həsr olunur: iştirak edənlər, hətta uşaqlar və yeniyetmələr də daxil olmaqla, icmanın işlərini müzakirə edir, Bəhai Dünya xəbərləri ilə tanış olurlar. Yerin Ruhani Məhfilin nümayəndəsi Məhfilin icmanın ümumi fəaliyyətinə barədə  qəbul etdiyi qərarları çatdırır, xəzinədar maliyyə hesabatını təqdim edir. İcmanın üzvlərinə öz təklif və təşəbbüslərini irəli sürmək, suallar vermək və Yerli Ruhani Məhfilə müraciəçt etmək təklif olunur.

"Ziyafət insana cəmiyyətin birgə yaradılması və yeniləşməsi prosesində iştirak etməsinə kömək edir. İcma həyatının ən dərinliklərində Ziyafət özü-özlüyündə demokratik meydandır, belə ki, məhz burada Yerli Ruhani Məhfilin nümayəndələri icmanın üzvlərilə eyni səviyyədə görüşür və onların hər birinə öz fikir və baxışlarını – yeni sivilizasiyanın yaradılmasına kömək edə biləcək yeni ideya və konstrukitiv tənqidləri ifadə etmək üçün tam azadlıq verilir."

Bayramın son hissəsi ünsiyyətə həsr olunur. Bayram süfrəsi və söhbətlərlə yanaşı bu hissədə musiqi, artistlərin çıxışı, oyunlar və s. əyləncəli nömrələr də daxil edilir. Bu hissələrin hər üçü Ziyafətin bir-birindən ayrılmaz hissələridir, belə ki, hesab olunur ki, dualarla yanaşı işlərin müzakirəsi və dostluq ünsiyyəti də ruhani inkişaf üçün çox önəmlidir.

19 Gün Görüşləri barədə daha ətraflı məlumatı Ümumdünya Ədalət Evinin «On doqquz Gün Ziyafəti» toplamasından əldə edə bilərsiniz.