Beynəlxalq Bəhai Cəmiyyətinin (IBC) əsası 1844-cü ildə Bəhai Dini yaranmağla qoyulmuşdu. Bu gün Beynəlxalq Bəhai Cəmiyyəti Ümumdünya Bəhai İcmasını beynəlxalq səviyyədə rəsmi surətdə təmsil edən Qeyri Hökumət Təşkilatıdır.

1945-ci ildə Bəhai Dininin nümayəndələri San-Fransiskoda keçirilən, Birləşmiş Millətlər Təşkilatının əsasını qoyan tarixi konfrasda iştirak etdilər. 1948-cı ildə Beynəlxalq Bəhai İcması BMT-nın ictimai xəbərlər şöbəsinin nəznində ilk dəfə olaraq Beynəlxalq Qeyri Hökumət Təşkilat kimi qeydə alındı. Bu andan etibarən bəhailərin BMT ilə sıx əməkdaşlığının əsası qoyuldu.

1970-ci ildə Beynəlxalq Bəhai İcmasına BMT-nin Iqtisadi və Sosial Şurasının nəzdində (EKOSOS) məşvərətçı status təqdim olundu, 1976-cı ildə isə Beynəlxalq Bəhai İcması BMT-nın Uşaq Fondunun nəznində məşvərətçı status aldı. 1989-cu ildə Beynəlxalq Bəhai İcması Ümumdünya Səhiyyə Təşkilatı (ÜST) ilə əməkdaşlıq əlaqələri qurdu. 1985-ci ildə Beynəlxalq Bəhai İcması ictimai məlumatlar şöbəsini, 1989-cu ildə ətraf mühütün mühafizəsi üzrə, 1999-cu ildə isə qadinların inkişafı üzrə şöbəni təsis etdi.

Beynəlxalq Bəhai İcması BMT-nin Bəyannamə məqsədlərini dəstəkləyir və Birləşmiş Millətlər Təşkilatının fəaliyyətinin geniş miqyaslı məsələlərinin həllinə cəlb olunmuşdur, bu məsələlərə qadınların inkişafı, sosial-iqtisadi inkişaf, ətraf mühütün mühafizəsi, insan hüquqları, əxlaq təlimi, dünyanın qorunması daxildir. 30 il ərzində Beynəlxalq Bəhai İcması məşvərətçı və əməkdaşlıq münasibətlərinin əsasında BMT-nin müxtəlif ixtisaslaşdırılmış təşkilatları ilə bu və digər sahələrdə bəhai icmalarının təcrübəsi ilə bölüşməyə səy göstərir. 1986-cı ildən 1995-ci ilə qədər olan müddət ərzində Beynəlxalq Bəhai İcması BMT-nin 140-dan artıq iclasında iştirak etmiş, 100-dən artıq bəyanatlarla çıxış etmişdir. 1987-ci ildə BMT-nın Baş Katibi “BMT-nin Baş Assambleyası tərəfindən elan olunmuş Beynəlxalq sülh ilinin məqsədlərinə və proqramına Beynəlxalq Bəhai İcmasının mühüm töhfəsini təsdiq edərək” ona “Sülh Səfiri” fəxri adı vermişdir.

Müxtəlifliklər arasında birliyin qurulması, məşvərət yolu ilə qərarların qəbul olunması prosesində insanları geniş iştirakına şövqləndirilməsi, cəmiyyətdə qadınların rolunun artırılması, cinayət və narkotik qəbulunun azaldılması işində Bəhai icmalarının mühüm təcrübələri vardır. Davamlı inkişaf, azlıqların huquqlarının qorunması, irqçiliyin ləğv edilməsinin gücləndirilməsi və insan huququ sahəsində təhsilin yayılması bəhai fəaliyyətlərinin nümunələridir. Hal-hazırda bəhailər tərəfindən bütün dünyada 1340-dan artıq sosial-iqtisadi layihələr həyata keçirilir, o cümlədən səhiyyə, təhsil və ətraf mühitin mühafizəsi sahəsində.

Beynəlxalq Bəhai Cəmiyyəti ingilis, fransız, rus, ispan və çin dillərində 150-dən artıq ölkədə yayılan “ONE COUNTRY” hər kvartal çıxan bülleten nəşr edir.  Bir neçə mükafat qazanan bu nəşr bir sıra sosial-iqtisadi layihələri, BMT sistemindəki münasibətləri və bir çox digər məsələləri işıqlandırır.

Baha´i Intarnational Community
866 United Nations Plaza, Suite 120; New York, NY 10017 USA
Tel: (212) 756-3500, Fax: (212) 756-3573