1. Allah Kəlamları – Allahın təzahürünün mahiyyəti olan, bilavasitə Həzrət Bab və ya Həzrət Bəhaullahın əli ilə yazilan yazılardır. Bu yazılardan parçalar Lövh adlanır. Bu yazılar özü-özlüyündə qüsürsuzdur və dərin tükənməz mənaya malikdir. Yazıları oxuyan hər bir insan özünün dərrakəsinə uyğun olaraq, onların dərin mənalarına çata bılər.

2. Bəhai Dininin Müqəddəs Yazıları – buraya Allah Kəlamları, həmçinin, “İlahidən verilən qüsursuzluq” bağışlanmış, bilavasitə Həzrət Əbdülbəhanın əli ilə yazılmış yazılar daxildir. Həzrət Bəhaullahın iradəsinə əsasən Həzrət Əbdülbəha bütün bəhailər üçün vacib olan bəhai yazılarını yeganə şərhçisi səlahiyyətinə malikdir.

3. Etibarlı Yazılar – Şövgi Əfəndinin şərh etdiyi Yazılara və Ümumdünya Ədalət Evinin sənədlərinə aiddir. Bu yazıların Müqəddəs yazilar olmamasına baxmayaraq, onlar Həzrət Əbdülbəhanın iradəsinə əsasən, qüsursuzdur və buna görə bu yazılar da bütün bəhailər üçün səhfsiz rəhbərlik mənbəyi hesab olunur.

4. Həzrət Şövqi Əfəndinin və ya Ümumdünya Ədalət Evinin adından yazılmış məktublar – belə məktubların bunun üçün xüsusilə nəzərdə tutulmuş adamlar tərəfindən yazılmasına baxmayaraq, göndərilməmişdən qabaq onların hamısına yenidən baxılır və ona görə də müəllifin ideyasının qüsursuz əksi hesab olunur. Lakin buna baxmayaraq, onlar tam dəqiqlik ifadəsinə malik olmaya bilər.